اسلام آباد (ويب ڊيسڪ) پاڪستان ٽيلي ڪميونيڪيشن اٿارٽي (پي ٽي اي) تازو ايپل آءِ فونز جي پراڻي ماڊلز جي رجسٽريشن فيس ۾ گهٽتائي ڪري ڇڏي آهي، اهو قدم فيڊرل بورڊ آف روينيو جي اعلان کانپوءِ کنيو ويو آهي.
ايف بي آر جي ايپل سمارٽ فونز تي ٽيڪس گهٽ ڪرڻ جي جواب ۾ پي ٽي آءِ آءِ فون ڊوائسز جي پراڻي ورزنز جي رجسٽريشن چارجز کي گهٽ ڪرڻ لاءِ ڪارروائي ڪئي آهي.
پي ٽي اي طرفان رجسٽريشن فيس ۾ اها گهٽتائي ٻن الڳ الڳ زمرن ۾ لاڳو ڪئي پئي وڃي، پاسپورٽ تي ٻڌل ۽ سڃاڻپ ڪارڊ جي بنياد تي فيس جي ادائيگي ٿيندي آهي.
پاسپورٽ تي ٻڌل آءِ فون 8 جي رجسٽريشن فيس 38922 رپيا ڪئي وئي آهي، جڏهن ته ان ئي ماڊ جي سڃاڻپ ڪارڊ جي بنياد تي فيس هاڻ 48314 رپيا آهي.
اهڙي ريت آءِ فون 8 پلس لاءِ پاسپورٽ سان گڏ رجسٽريشن فيس 40915 رپين ۾ ايڊجسٽ ڪئي وئي آهي، جڏهن ته سڃاڻپ ڪارڊ سان گڏ اها رقم هاڻ 50546 رپيا مقرر ڪئي وئي آهي.
اڻ رجسٽر آءِ فون رکندڙن لاءِ وڏي خوشخبري
